ا يارا انا آسف هاوقف نشر الأعداد دى دلوقتى خالص لأننا نخلص اللى ورانا الاول من تليفزيون صبحاوية و تطوير كامل للمنتدى و منتدى المشاهدة المباشرة و غيرهم .... انا قصدى نركز فى حاجة حاجة لما نخلصهم صح نشوف نعمل اية تانى جديد .............. و الرجاء عدم تنفيذ أى الأخذ بآراء الإدارة مش معنى ان نهاد قالتلك قبل كده انك كويس عملتى حاجة حلوة يعنى كملى على نفس الاساس و كمان انتى ماقلتلناش قبل التنفيذ يعنى انتى نفذتى من دماغك و خلصتى و فى الآخر احنا اتفاجئنا بالموضوع
-----------
والله انا مقصرتش في حاجة طلبتها مني عشان تمنعي من نشر الجريدة
ثانيا تليفزيون الصبحاوية هيتفعل عند وجود اعضاء بالمنتدى
وهنزل سهرات فيه
ثالثا تطوير المنتدى من مسئؤليتك وانت المفروض تقترح علينا افكار وتوكل الينا اعمال وبعدها لو قصرنا تمنعنا من الاهتمام بحاجة تانية
رابعا نهاد وافقت على نشر الجريدة اسبوعيا ومليش علاقة بانها مقلتلقش وانك موفقتش اولا
خامسا قريبا سو يكون للجريدة موقع خاص فلن يضرك في شئ ولن يكتب على المنتدى العدد القادم بل على الموقع والي عايز
يعرف الاخبار ويقرا الجريدة يدخل الموقع هوحر متحجرش على حريتو
سادسا عندما تفكر في غلق موضوع بسبب اهمالي لباقي المنتدى وانك شايف ان ده غلط ارجو انك تتطور الاستايل الاول وتعمل العضو المميز والمشرف المميز وركن للمناسبات وتسمح بان يتطوع اعضاء المنتدى في اي فكرة ننفذها انا وهم سويا حتى وان كان ذللك بعيد عن المنتدى واعتبر الجريدة كذلك
وغلق الموضوع هو حجر على حريتي انا حره اكتب ما اشاء مالم اسب او اشتم وتكلمت باحترام فليس ذللك بسبب لان تغلق الموضوع وانا لم اهمل في الاخرين بل انت من تهمل مجهودي فانت تطالبني ان ارفع سهرات كل ليلة واخذ ردان فقط تطالبني ان اساعد في تطوير المنتدى وانت ترفض تقبل اي فكرة من افكاري او فعلها كتجربة فليس من حقق الان ان تتهمني بالاهمال فلست كذللك ومع ذلك سوف اساهم بوضع سهرة اسبوعيا في الصبحاوية تي في وارجو فتح الموضوع وتقبل الافكار لكي يتفعلهذا المنتدى ولاحظ انك ترمي هذا العبئ على وحدى لاحظ من كانو في ال99 ساعة الماضية يكونون 5 او6 وهذا يعتبر كثير جدا ومنهم من يحمل 0 مساهمات في هذا المنتدى ارجو ان تبدئ بهم واييضا يوجد في المنتدى 1000 و100 عضو فاكثر لماذاتطالبهم بالاهتمام كما تطالبني ولي في قسم المشاهدة المباشرة كثير من المواضيع واريد ان اعلمك ان قلمي ان يتوقف عن الكتابة اني ساظل امتلك حريتي ساظل ادافع عن حلمي سوف اكون حره مالم اضر احدا لن افقد حريتيحتى اخر لحظة في هذا العمر ساظل اكتب واعبر وان اغلقت كل مواضيعي وحرمتني من ان يقدر الناس مجهودي وارجو ان تبدا في اضافة مواضيع في المنتدى والبدء في اجتماع لمناقشة الاخبار والاقتراحات والافكار في هذا المنتدى واتمنى ان لا نكون حينها انا وانت بالاجتماع فقط

يارا ده مش غلطنا و انا قولت قبل كده مش معنى ان نهاد قالت ان الفكرة حلوة انها موافقة انها تتنشر علطول .... و حاجة تانية هنا المنتدى الرسمى للفنان محمد صبحي و اى حاجة هاتكون تابعة للمنتدى هنا

انا يوم ما اعمل جريدة فانا حرة فيها ومش لازم تبقى تبع المنتدى لانها فكرة خاصة ومحدش ليه دخل بيها وانت مش موافق عليها يبقى ارجو عدم التدخل واما ده مش غلطكو مش غلطي انا كمان وانا ملياش دعوة بنهاد انا نشرت والي عايز يقرا هو حر والي مش عايز هو حر ولما يبقى في حاجة اهم عايزين نعملها كلفني بيها مش تقفل الموضوع وثانيا انت مخدتش اي خطوات خالص عشان التجديد لا في الاستيل ولا عملنا زي المنتديات التانية وحطينا العضو المميز والمشرف المميز ومعندناش ركن للمناسبات الخاصة انت مسئول تجدد كل ده وبعدين تكلفني مش تقفل الموضوع وانا مقصرتش عشان تمنع نشرها وهي هتنزل كل فترة برضه ولو عايز تقفل موضوعها تاني اقفله الي عايز يقرا هو حر وعلى فكرة ده شئ هيخلينا متميزين ويسمى ايضا تجدديد للمنتدى ومساهمة مني في اني اقوم القسم الي انا مشرفة عليه

حلو اوى لو انتى بتقولى كده عشان تبقى عارفة مفيش اى حاجة هاتبقى رسمية للفنان محمد صبحي مش تابعة للمنتدى

و لو انتى عايزة الفكرة ممكن تعمليها بره زى مانتى عايزة ... بس المنتدى مرتبط بقوانين

و الله اعلم اللى انا كنت باعمله و اللى بافكر و باجهزه من مفاجآت مع ناس ... انا المفروض اننا بينجهز رحلة لمدينة سنبل عشان أعضاء المنتدى و أعضاء جروب على الفيس ... و حاجات تانية كتيييييييييييييييييييييير و فى نفس الوقت باجهز تصاميم جديدة
انتى بقة عايزانى اسيب كل ده و اجهزلك اللى انتى عايزاه ؟؟؟؟ صدق اللى قال الصبر جميل

بدل ما نصبر احنا ممكن نقسم البلد نصين قصدي نقسم المنتدى نصين انا والمسئولين كلهم في المنتدى نتجمع في اجتماع عشان نقوم المنتدى ليك على موضوع في كل الاقسام كل اسبوع و2 موضوع في اقلام الاعضاء
بس احنا لازم نجتمع كلنا انا وانت والادارين كلهم عشان انا وهم نقوم المنتدى حتى لو انت انقطعت ولحد اما نجتمع انا هعمل كده وكمان هتسئل عن القسم ده وارد على اشكاوي واحلهاوهكون حلقة الوصل بينك وبين الاعضاء بس لي شرط الجريدة ترجع تاني

لا اله إلا الله
كلامك اللى فوق عال العال و حلو اوى و جميل (( عظيمة يا مصر )) بس المفروض نقوم فكرة فكرة و بعد كده نطلع فكرة جديدة ......... المفروض ان كل منتدى يكون فيه اساس يقف عليه و بعد كده نفكر فى حاجة تانية - يعنى مثلا منتدى المشاهدات المباشرة الفكرة دى كانت عندى من فترة بس ناسيها خالص بس ياسين فكرنى بيها تانى عملته و نقلت كام موضوع قديم كانوا مشاهدة مباشرة كده المنتدى ده اتسند على كام موضوع يشيلوه فمشيلتش هم و سيبته لحاله ...... لكن تليفزيون الصبحاوية الفكرة دى عندى برضه بس من اول ماعملنا المنتدى و بافكر اعملها ازاى بس انا كنت عايزه مربع بيتعرض فيه الحاجة علطول زى قنوات التليفزيون العادية لكن انتى جبتيلى فكرة تطبيق تانى مؤقتة بس حلوة اوى و هاتخلى الناس تفهم الفكرة لغاية ماوصل لعمل قناة تليفزيون الكترونية بس برضه المنتدى اللى احنا فيه دلوقتى و بالفكرة البسيطة برضه مش مطبقة صح و ده غلط كبير اوى ...... اقلام الصبحاوية المفروض ان كل الناس تدخل تكتب مقال صغير برضه الفكرة غير مدعمة صح .... و هكذا غيرهم كتير بس فى حلول كتير هى مش فى بالى بس اكيد فى بال الإداريين التانيين و انا مستنى ان امتحانات الثانوية تخلص و هانجتمع كلنا مع بعض و هانظبط كل حاجة


على فكرة القصة اللى فوق دى فى دماغى و عامل حسابها بس انتى مش مديانى فرصة افهمك الموضوع و مش مديانى فرصة اعمل اي مفاجأة افرح بيها المنتدى و أفرح بيها انا كمان

انت الي مش مديني فرصة اعمل اي حاجة وبتتهمني بالاهمال واني الي بعطل المنتدى وانت مش موكلي اي مهمةفي الاولويات دي ولامديني فرصة اقوم بشئ فيها وكمان فكرة منتدى التليفزيون انا منفذتهاش انا كل الي عملته قلت الفكرة وعملتها موضوع ونهاد عجبتها الفكرة ونفذتها كتر خيرها ووكمان انت بتاخد خطوة لقدام لوحدك لو كلنا خدنا نفس الخطوة انت مش هتطر ولا انا للكلام ده لكن انت قفلت موضوعي لان في اولويات ممكن اعرف بقى ايه هي الاولوية الي متوجهالي في فيهم وقصرت فيها عشان تقول كده وكمان المفروض ان كل عضو يكتب مقال في اقلام الصبحاوية وللاسف ميكتبوش ومحدش بيدخل اعمل ايه اوقف كتابة الجريدة لحد ما ااااااااااا حد يدخل ويكتب اعتبره مقال الاعضاء كلهم
ارجو يكون لي دور ولي فرصة والموضوع يرجع يتفتح تاني

بصى يا ماما

الجريدة هاتتعمل هاتتعمل ماتخافيش بس قدام شوية انا عايزك دلوقتى تشتغلى بس فى اقلام و تليفزيون الصبحاوية و تظبطيهم و ماتحمليش هم فى اى حاجة تانية ... على فكرة هى دى السياسة العامة اللى ماشيين بيها دلوقتى عشان احنا فى فترة امتحانات ......... كل واحد شغال فى حاجة فى المنتدى ......... ادينى كلفتك اهوه بمنتدى أقلام الصبحاوية و منتدى تليفزيون الصبحاوية ظبطيهم بقة

يبقى كده ممكن نشتغل

لا اله إلا الله ... انا مازوتش حاجة فى كلامى الكلام ماتغيرش بس انتى لو كده ارتحتى يبقى خلاص

بص انا هكلمك بصراحة انت قعدت تلف وتدور ومش مفهمني حاجة خالص انا برد على نص الكلام بس والباقي انا مبفهموش ادخل شوف ونيس باقلام الاعضاء وهضيف مواضيع جديدة الظهر كده في التليفزيون وانتظروا برنامج جديد

مانا عايز اعمل كام مفاجأة كده مفيش فرصة ياللا ربنا يسهل و يعلى المنتدى

طيب اديني فرصة وانا اديك فرصة وانتظر مفاجاتي وانا هنتظر مفاجات بس انا هكون اسرع

ربنا معاكى