حكاية وطن
(ا)
هعيش ازاى على ارضك؟
منيش طايقك
انا اللى ف(رابعه)
و(التحرير)وفى (النهضه)
انا ولدك
تكيلى ليه بمكيالين
اقولك طاب وزنتى زين؟
مين اكتر ؟ ومين اجدر؟
ومين اصدق؟ ومين يقدر؟
ومين اضعف؟ ومين اقوى؟
ومين للعنف مال اول؟
ومين للعنف مال اخر؟
مادامت حسبتك ظالمه
عمايلك قسمت امه
ميزانك كفتو مايله
ولولا يقولو انى عاق
لاقول خاينه
انا اللى قمتلك ثوره
وكنت الشمعه ف الضلمه
وانا اللى حلمتلك نهضه
وانا م الشعب والشرطه
وانا من جندك البرره
انا اللى عبرت مش هما
انا اللى عبرت بعد النكسه
يوم النصر فى اكتوبر
وانا اللى هغيرك بكره
انا اللى كتبتلك كلمه
تعيشى انتى وانا افنى
وانا اللى زرعت فى ارضك
انا اللى حصدت
انا اللى صنعت
ولا استوردت من بره
ولا سمسرت من دمك ولا مره
انا اللى كنت عايش حر
ترضى اتسول اللقمه
ولا اقدر على القوله ولا الكلمه
انا اللى نحت فى الصخره
وانا اللى بنيت هرم عظمه
صنعت حضاره فى امسى
تعلم فى بشر بكره
هعيش ازاى على ارضك؟
منيش طايقك
تروحى ازاى لاحضانهم
وانا رابطينى فى حبالهم
ودمى لسه فى ايدينهم
انا اللى نزفت ف القائد وفى رابعه
وفى شبرا وفى النهضه
وانا اللى تهت فى الصوره
انا مكافح وانا مناضل انا وطنى وانا جهادى
بشوف ان الامل بكره هيجى فوش جلادى
(ب)
هعيش ازاى على ارضك ؟
منيش طايقك
انا اللى دمى سال عندك
على ارضك
عشان عرضك
تقومى تقولى انى قتيل
وان اللى خرجت من بيتى
عشان خاطرك
عشان تبقى
تقولى قتيل
انا اللى خرجت من بيتى
عشان ارسم على وشك
ملامح بكره والضحكه
عشان حلمك عشان حلمى
عشان ابنك عشان ابنى
عشان يتربى ع العزه
عشان يرفع كده راسه
يقول مصرى----
يشرفنى اكون مصرى
انا اللى صنعت من امسى
عظه لبكره
انا اللى صنعت من صوتى
حراب للغدر تتصدى
وانا سلاحى
بانى بصبرى بتحلى
وانا صدرى فى وش
رصاصهم الغادر
عمل ثوره
تركت اولادى من امسى
ودام ذكرى على لسانى
ولا انسى ان اتوضا
واصلى فروضى فى وقتى
وان صايم وانا قايم
وانا فى اول الشهدا
عبد المريد عباس(01122033982)
27/7/2013
اهداء الى كل الشهداء