انا مصرى
ايوة انا مصرى
انا مصرى والله مصرى..انم ليه مش مصدقين انى مصرى
انا بمشى جنب الحيط و مبفتحش بوقى..عرفتوا بقى انى مصرى
انا ماليش رآى ..و مانيش حر..صدقتوا بقى انى مصرى
انا خواف و جبان..بخاف من الحكومة و الصهاينة و الامريكان..ابقى ايه؟..ابقى مصرى
انا مابقتش عروبى و لا قومى..هما عاوزينى شرق اوسطى..لا ليا داعوة ب اخويا و لا ابن عمى..انا بحجز بس..ابقى ايه؟اكيد انا مصرى
انا ما بقاش يهمنى فلان سرق و لا علان نهب..و لا يهمنى انسان ظلم او اتظلم..انا مايهمنيش الاسعار تبقى نار..بسكت و لا بنكت و لا بهرى
هيه مش كدة ابقة مصرى؟
انا شايف السرقة و الغش و الرشوة و الوث ماية النيل باديا و لا اختشى..ايقنتوا دلوقتى ان انا مصرى؟
انا قوى و بستحمل..و بستعبط و بسوق الهبل..و بسوق لحد اسكندرية فى ساعتين و اروح مشوار لحد وسط البلد فى اربع ساعات عشان موكب سيدنا و تاج راسنا و الى انضف مننا..والله العظيم انا مصرى
عليا الطلاق بالتلاتة انا مصرى..و طول عمرى عايش فى مصر..يبقى انا مصرى..لان مصر هيا بلدى..و مصرى يعنى مصر دى كلها بتاعتى..و الله العظيم انا مصرى
لآ استغفر الله العظيم كنت هكدب..انا مش مصرى..لان مصر ما بقتش بتاعتى..مصر كدبتنى و خونتنى و هدتنى و شحتتنى و قهرتنى و كممتنى و طرشتنى و استعمتنى..طب و كتاب الله...هو اى كتاب فيهم؟..انا نسيت..اصل الحكومة كمان كفرتنى


من مسرحية خبيتنا

جميلة اوى

انا كنت سمعتها من الاستاذ مع هبة الاباصيرى بس بجد رائعه لوقتها زى ما قال

وميرسى ليكى انك جبتيهالنا

عفوا
لا شكر على واجب