 الخميس 13 مارس 2014, 10:31 pm | المشاركة رقم: # |
|---|
| المعلومات | | الكاتب: | | اللقب: | منشئ المنتدى | الرتبه: | | | الصورة الرمزية | | | البيانات | | عدد المساهمات : | 2822 | | نقاط : | 5325 | | الجنس : |  | | العمر : | 28 | | تاريخ التسجيل : | 15/10/2009 | | الإقامة : | مصر القاهرة عين شمس |
| الإتصالات | | الحالة: | | | وسائل الإتصال: | |
| موضوع: ماتجرحش
 ماتجرحشماتجرحش ست عجوزة بتكرر الكلام عشان حضرتك زهقت...
متجرحيش صاحبتك وتقوليلها مش هفرح بيكى بقى يلا شدى حيلك..تعمل إيه يعنى!!!
متجرحيش واحدة وتقوليلها معندكيش ولاد ليه إيه السبب!!! اكيد ده فضول مش سند...
متجرحش حد قال كلمة إنجليزى غلط ..وتقوله هى بتتنطق كده مش كده!!! إبن الناس بالمعاملة مش باللغات!!..
متجرحيش واحدة مطلقة او خطوبتها إتفسخت وكل شوية تقوليلها عاملة إيه النهاردة!!! ليه تحسسيها بالضعف وحالة.شاذة اصلا...
مايبقاش جنبك تاكسى وإنت سايق ملاكى وكسرتو على بعض فتقوله إنت فاكر عربيتك ملاكى دى عليها اقساط!!!..
متجرحش مراتك وتقولها إنتى تخنتى كده ليه!! قولها نفسى تبقى اجمل من كده وشجعها!!! مش تطلب منها محشى !!
متساعدش حد قدام الناس وتفضحه قال يعنى عايز تبقى قدوة لغيرك!!! المساعدة قدام ربنا مش الناس!!
متقولش لزميلك هو.إنت معندكش غير الطقم ده كل يوم!!! ده مش فكاهة ده تطفل..
متحرجش طفلك قدام الناس وتزعقله...علمه يبقى عزيز النفس قدام نفسه قبل الناس..
ماتجبش لحد هدية وتصر إنه يفتحها قصاد الناس فى وقتها!!! دى هدية ولا دعايا لواجب قمت به!!!..
لو قدمت لحد حاجة مش شعبية ومعروفة والحد ده سألك ده إسمه إيه...متتفزلكش وتقوله معقولة مادقتوش قبل كده مش عارفه!!! ده ضيافة ولا مظاهر!!..
لو مع حد بيشترى لبس وإقترحت عليه لبس معين ماتفضلش تلح يشتريه حتى لو عاجبه مايمكن غالى عليه...قول رأيك وخلاص..
العكس كمان لو حد قالك على حاجة مش عجباك.إنه ده حلو.اوى ...ماتبصش بقرف وتقوله إيه العك ده فلاح موووت...خليك ذوق بأخلاقك قبل إستايلك..
ماتجرحش ..ماتطفلش...ماتتكبرش..مش عشان بس إنت مايتعملش فيك كده من ناس تانية....لا لكن عشان الناس مش مستحملة وجع فوق وجعها...خف الناس شايلة ياما...صح ولا ؟؟؟
|
| |  |
