الفترة الاخيرة لاقيت ناس كتير اوووى بتقول عايزين نتعمل ديجتال ماركتنج و مش عارف ابدأ منين..
في الموضوع ده هقولك الفروع اللى تحت التسويق الرقمي او التسويق الالكتروني.. وهقولك مواقع عشان تتعلم كل فرع من الفروع دي..
- يعنى اية تسويق؟!!
التسويق هو حلقة الوصل بين (المنتج او الخدمة او الشركة) والعملاء او المستخدمين.. وهو اللى بيعمل دراسات احتياجات السوق و ازاى تول للسوق كويس.. مع الاخذ في الاعتبار انه مالوش اي علاقة بالبيع خاالص...
- يعنى اية تسويق رقمي؟!
هو كل تطبيقات التسويق بالظبط ولكن في العالم الرقمي والتقنية.. و مش بس السوشيال ميديا كما هو مفهوم عند الكثير...
التسويق الرقمي او الالكتروني بدايته كانت في اواخر التسعينات مع انتشار الانترنت في العالم.. و مع الوقت بيتطور و بيكبر وفي فروع بتزيد كمان..و بيتطلب اكتر مع مرور الوقت و انتشار التكنولوجيا.. انا شخصيًا بدأت في 2003 مكانش في سوشيال ميديا خالص
- اية هي فروع او اقسام اقسام التسويق الرقمي؟!
التدوين Blogging
التواصل الاجتماعي Social Media
تهيئة محركات البحث SEO
الاعلان الالكتروني Online Advertisement
التسويق بالبريد الالكتروني Email Marketing
التسويق بالهاتف Mobile Marketing
التسويق بالفيديو Video Marketing
ندخل بقة في كل فرع من دول..
.
-- التدوين
#Bloggingانك تعمل مدونة و تكتب فيها ده بسيط جداا و مش محتاج راس مال خالص بس هيحتاج منك شغل كتير وتعب عشان توصل انك تجيب الاف الزوار في اليوم.. بس بمجرد انك توصل للمرحلة دي هيبقى قدامك اكتر من باب للربح قدامك و هتكلم عن بعضهم في موضوع تانى.. و عشان مدونتك توصل فعلا انك تجيب الاف الزوار كل يوم ده معتمد على قيمة المحتوى وتهيئة مدونتك لمحركات البحث SEO وهنتكلم عليه تحت شوية..
اعرف ناس عملوا مدونة بتصميم حلو و محتوى قوي وحصري و حطوا في المدونة 300 موضوع في شهرين بس مع SEO قوى جداا الشهر التالت قدروا يجيبوا اكتر من 15,000 زائر يوميًا و حققوا تقريبًا 5,000دولار في الشهر التالت بس.. صرفوا على المدونة شوية و كثفوا شغلهم لغاية ماوصلوا لدرجة حققوا ما يقارب 40,000$ شهري..
عمل المدونة مجاني من Blogger وهي خدمة مجانية من جوجل..
http://www.blogger.comوفيه تصاميم بسيطة بدائية شوية و لكن تقدر تتفق مع مصمم محترف يعملك مدونة احترافية تشك اصلا انها مدونة تقدر تطلب ده من حسابي على خمسات من اللينك ده
http://goo.gl/YrPQv3 ...
.
.
-- التواصل الاجتماعي
#SocialMedia اللى هو مش الفيس بوك
مواقع التواصل الاجتماعي كتير فعلا اشهرها الفيس و لكن
#السوشيال_ميديا عالم اكبر من كده.. دي عبارة عن مواقع بتجمع الناس في مكان واحد يشاركوا افكارهم و اراءهم والاحداث اللى بتحصل في حياتهم عمومًا..
اشهر المواقع دي..
https://www.facebook.com/https://www.twitter.com/https://www.linkedin.com/https://plus.google.comhttps://www.instagram.com/https://www.pinterest.com/وغيرهم بس دول الاشهر يعنى.. ده المجال الابسط في التسويق الالكتروني في نظر الناس ولكن محتاج دراسة و تخطيط قوى جدااا و تنفيذ بتركيز لانك بتتعامل مع العملاء بشكل مباشر..
.
.
-- تهيئة المواقع لمحركات البحث
#SEOوده المجال الافضل بالنسبالي.. كل فكرته انك ازااى تعرف محركات البحث زي جوجل لمدونتك او موقعك.. فمدونتك تبقى في اول نتائج جوجل و ده يخليك توصل لاعداد مهووووولة من الزوار...
في 40,000 عملية بحث بتتم في جوجل كل ثانية..
في 3.5 بليون عملية بحث بتتم في جوجل كل يوم..
وتقدر تتابع تعداد البحث من اللينك ده
http://goo.gl/QsWF1Qانت بقة لو قدرت توصل للمرتبة الاولى في نتايج البحث الخاصة بمجال مدونتك هتوصل لارقام كبيرة جداا من الزوار و هتحقق ارباح كبيرة جداا إن شاء الله..
السيو الصح مبنى على اكتر من حاجة.. ببساطة كده سريعًا كده..
اولا: المحتوى يكون قوي و حصري و مش منسوخ ويكون جواه الـKeywords اللى انت مستهدفها.. نظرا لمقولة المحتوى هو الملك..
ثانيًا: الروابط الداخلية و الخارجية Backlinks.. كل ماكان رابط مدونتك في روابط خارجية لمواقع تانية مؤثوقة اصلا عند جوجل فانت بتبنى ثقة كبيرة عند جوجل....
وكل ما كان جوه مدونتك روابط لصفحات تانية جوه مدونتك برضه بتدى ايحاء لجوجل ان مدونتى كلها مترابطة و هدفها واضح فتكسب ثقة جوجل اكتر..
طبعًا كده الموضوع سريعًا من بره بدون تفاصيل..
وممكن لو انت معندكش مدونة او موقع تستفيد من الـSEO بتاع المنتديات التانية بأنك تحط موضوع حصري عندهم وفيه غرضك من الموضوع ده وهيوصل لجوجل بسرعة جداا..
او ممكن توفر على نفسك تعب السيو كله و تعمل اعلان مدفوع على جوجل ادوورد هتظهر في اول نتيجة اجباري.. و لكن متاخدهاش اساس لان هييجي وقت و هتبطل تدفع..
طبعًا محركات البحث كتير ولكن انا اهتميت بجوجل عشان واخد تقريبًا 87% من عمليات البحث
.
.
-- الاعلان
#OnlineAdvertismentوهو اهتمام كل الشركات الكبيرة.. و الشركات اللى بتعمل لنفسها براند..
دي طريقة هتحققلك مرادك و بنتائج كبيرة لو انت عرفت تظبطها فعلا وبتودي المنتج او الخدمة او الشركة لغاية صفحة العميل بشكل مباشر..
الحملات الاعلانية
#Campaign ليه كذا شكل او طريقة..
- الدفع مقابل النقرة Pay Per Click
#PPC : وهو انك بتدفع مقابل كل دوسة على الاعلان بتاعك..
- الدفع مقابل الالف انطباع Cost Per Impression
#CPM : بتدفع مبلغ محدد مقابل - الالف مشاهدة للاعلان او الالف كليك على الاعلان..
- الدفع مقابل المشاهدة Pay Per View
#PPV : بتدفع مبلغ مقابل كل مشاهدة..
- الدفع مقابل البيع Pay Per Sale
#PPS : بدفع مبلغ مقابل كل عملية بيع بتتم..
و في غيرهم كتير بس دول الاشهر و الاكثر شيوعًا..
ومن اشهر المواقع اللى بيتعمل فيها اعلان:
facebook :
http://goo.gl/BaeKN0twitter:
http://goo.gl/rVxkzuGoogle adwords:
https://adwords.google.comBing:
https://bingads.microsoft.com.
.
-- التسويق بالبريد الالكتروني
#EmailMarketingوهو انك تتابع مع العملاء بتوعك على ايميلاتهم والنوع ده من التسويق قوي جدااا لو مستهدفين فعلا في مجالهم..
في مصر النوع ده مش قوي اوى لان معظم المصريين بيعملوا ايميل عشان يسجلوا عالفيس
XD و لكن لحد ما الناس بتبدأ تفتح الايميلات دلوقتى...
لو بتتكلم على الايميل في العالم كله خد بالك من المقولة دي .. "Money in List" اللى بتوضح ان الفلوس في قوائم البريد الالكتروني.. في دراسة بتقول ان الايميل = 10$ سنويًا.. طبعًا ده رقم قليل جداا بس ده فرض كحد أدنى و بعدين انت مبتبعتش لايميل واحد.. كل مابتشتغل اكتر بتجمع ايميلات مستهدفة اكتر..
اعرف واحد كل شغله على التسويق بالبريد الالكتروني بس بيبعتلهم مقالات في اهتماماتهم واعلانات لمنتجات .. ربحه تقريبًا 37,000$ شهريًا..
ولكن متدخلش جوجل و تدور على ايميلات و تاخدها و خلاص.. لان انا ممكن اديك مليون ايميل هدية و مش مستهدفين ويشتري منهم 10 عملاء بس مثلا.. في حين انك ممكن تجمع بنفسك 100 ايميل مستهدف وهيشتري منهم 90 عميل.. شوفت الفرق؟!!
من اشهر الشركات في خدمة التسويق بالايميل:
http://www.aweber.com/http://www.getresponse.com/.
.
-- التسويق بالهاتف
#MobileMarketing النوع ده من التسويق بقى مهم جداا في الـ5 سنوات الاخيرة و خصوصًا بعد انتشار الهواتف الذكية SmartPhone..
في دراسة في 2012 اتعلمت عن الموبايل.. بتقول ان الانسان الطبيعي بيمسك الفون بين 150 إلى 200 مرة يوميًا.. وان مهووسين الهواتف ممكن ان تصل إلى 600 مرة في اليوم... ووخدوا بالكم ان الاندرويد انتشر اكتر في الـ3 سنين دول..
انت هتقدر تبقى كام مرة فيهم وخد بالك ان مرتين بس كافيين جدااا ان المعلومة تلزق في دماغه..
سمعت قريب.. انجوجل خدت بالها من الموضوع ده.. و اخر لوغاريتم (تحديث) هينزل خلال ايام هيمنع المواقع اللى مش متوافقة مع الفون من الظهور في محرك البحث..
انك توصل لتليفون العميل هيكون برسالة نصية او عن طريق تطبيق اندرويد (ودول اللى اقصدهم اصلا).. او عن طريق تصفحه بقى العادى
ده موقع تقدر تعمل منه تطبيق اندرويد مجانى و بسيط وتحميله سهل كمان..
http://www.appyet.com/.
.
-- التسويق بالفيديو
#VideoMarketingده نوع من انواع التسويق القوية جداااا.. انت لما تعرض فيديو عن خدمتك او منتجك او شركتك بشكل جميل العميل هيقتنع بيك جداا.. وكل مابقى الفيديو احترافي هيأثر في العميل اكتر.. وممكن العميل بتاعك يكون هو المسوق اصلا لو الفيديو عجبه فعلا زي مابنشوف في اعلانات رمضان و الاعلانات الابداعية طول السنة..
في دراسة بتقول ان وجود فيديو لمنتجك جانب الكلام والصور هيأثر بنسبة 70% في اقناع العميل..
النوع ده من التسويق مكانش موجود قبل 2006 (قبل نشأة اليوتيوب) كنا بنتعب اووى عشان نوصل فكرتنا بدون فيديو والله
من اشهر مواقع تصميم الفيديو:
http://www.flixpress.com/http://www.introchamp.comhttp://www.ivipid.com/او طلب خدمة تصميم فيديو احترافي من مصممين محترفين مقابل 5$ على موقع Fiverr
http://goo.gl/XSl50eمن اشهر مواقع الفيديوهات:
https://www.youtube.comhttps://www.vimeo.com.
.
.
.
دى اهم فروع التسويق الرقمي و يندرج تحتهم حاجات تانية اعتبرها رفاايع
نصيحة: اتخصص في حاجة او اتنين بالكتير اووى بلاش تدخل في كله عشان مش هتحقق حاجة.. اسأل مجرب
XD
مجالات الربح من انترنت في شغلك ده كتير و مختلفة..
ولكن اشهرهم اعلانات جوجل ادسنس و اعلانات حسوب.. و التسويق بالعمولة..
ادسنس و حسوب دي بتكون عبارة عن اعلانات بتحطها في مدونتك او موقعك مع كل كليك بتكسب فلوس وده مبنى على عدد زواارك..
https://www.google.com/adsense/start/http://www.hsoub.com/التسويق بالعمولة.. وده بيكون انك بتسوق لمنتجات شركات تانية و انت بتاخد عمولة مقابل كل عملية بيع.. و من اشهر المواقع الوسيطة بين المسوق و صاحب المنتج هو كليك بانك اللى ممكن يديك عمولة حتى 75% مقابل كل عملية بيع..
https://www.clickbank.com.
.
.
هنا بقة الشروحات والكورسات اللى عالنت في التسويق الرقمي..
- ديجتاليزر (بدون شهادة)
http://goo.gl/hrhP28- Coursera بشهادة
http://goo.gl/1nb2Sq- Alison (بشهادة)
http://goo.gl/rKGI3I- HP كورس ضعيف جداا (بشهادة قيمتها قليلة)
http://goo.gl/x172ZOوهجيبلكم كورسات تاني كتير إن شاء الله
نصيحتي بقة: كورس
#ديجتاليزر قوي جداا و ببلاش اتعلم منه العلم الصح.. ولو محتاج شهادة اووى ممكن تكمل كورس من الكورسات دي و تاخد الشهادة بس اهتم بالعلم اهم...
على فكرة انا كأحمد شغال في الديجتال ماركتنج من 2003 اول شهادة في الماركتنج اخدها كان في 2014 و خادتها وقت فراغ مش اكتر.. و معظم الماركتيرز الكبار كانت بدايتهم Self-learning بدون اي شهادات ..
نصيحة كمان: انك تتعلم بدون تطبيق يبقى انت معملتش اي حاجة.. طبق اللى بتتعمله الله يباركلك D:
دلوقتى العلم بين ايديك و ببلاش ووقتك كله هيبقى تطبيق.. ورينها ابداعاتك
في النهاية حابب اقول.. انا تعبت في الكلام ده لو عايز تنشره و تفيد الناس يبقى اعمل شير لكن لو خادت منه كوبي انا مش هسامح فيه
#احمد_ادهم