شعرات شعرات شعرات تعبنا بئا من الشعرات تعبنا من الكلام الكتير الي لا بيودي ولا بيجيب قولنا ابن ادم من غير حلم ذي القلم من غير حبر ملوش قيمه ولا معنى وسط الناس قولنا الفكرة الحلوة نشجعها مش نحبطها ياناس وقولنا التعاون يجيب النجاح وده شعار الفنان
ام شعار التفاؤل والنجاح
الحلم اساس الحياة والاحباط ملوش مكان وده شعار التفاؤل والنجاح
ام شعار التعبان من الواقع والناس
اسكت اسكت اسكت حلم ايه الي بتكلم عنه ده كلام في الاحلام
احسنلك تسكت وتنام ادي شعار التعبان
ام شعار المنافق الكداب
يا باشا الدنايا لسه بخير
والناس سعده ومبسوطين
وماشي الحال
ادي شعار المنافق الكداب
ام شعار الفساد
احبط اي فكرة للناس دي
دول مجرد اوباش
احنا السلطة واحنا الحكام
ادي شعار الفساد
ام شعار السلطه المحدودة
قاوم قاوم قاوم الفساد
اكتسحنا الوزرا قلنا شلنا
شئ من الفساد
اكتسحنا الحاكم قلنا شلنا جذر الفساد
بعدها طلعلنا المشير قولنا جذر صغير مش كبير
ويا ترى بعده هيطلعلنا مين
المهوسين بالسلطة
ولا البلطجيه والمندسين
ولا المجريمين ولا الاعيان
وانصار كتيير
وادي شعار ثورتنا
------------------------------------------------------------------------------------------------------------
يا ناس احنا لسه مستنين
طول عمرنا نبص على نص الكباية المليان وعمرنا ما فكرنا نملئ الفاضي ازاي
قلنا نتجنب السياسة والواقع ونعيش في الخيال
فلقنا فيه مهوسين بالسلطه هو كمان
مخنوقين من الناس والواقع
فبينفسوه في الي بيحبو الخيال
لانهم في مجالهم اضعف منهم ياناس
نفسي اوي يسمعني الفنان
والاقيه قدام بيتي في يوم من الايام
يوصل لي اذاي ميهمنيش
يسمعني اذاي بردو ميهمنيش
اهي اي طريقة نعبر بيها عن البراكين
الي جوانا دي
هو ده املي في الحياة
يتبع